Plantun de Prouvènço

Pèr coumpara dos planto d'encò nostre

Asplenium foreziense & Stellaria nemorum

Asplenium foreziense

Aspleniaceae

Nom en français : Asplénium du Forez.

Descripcioun :
La dauradeto-dóu-Fourés es uno planto raro au nostre que se vèi soulamen en Prouvènço séusouso e en ribo de la vallado dóu Rose. Èi proun proche de Asplenium fontanum e Asplenium obovatum que n'èi lou crousamen. Li foundo soun bèn verdo emé un countour en lanço coume Asplenium fontanum, e li pinulo un pau dentado coume Asplenium obovatum. Ramenten que Asplenium obovatum a la baso di peno que soun gaire mens longo que lis autro de dessubre, au contre di dos àutri dauradeto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 200 à 1600 m
Aparado : Noun
Remarco : A. fontanum x A. obovatum
Juilet à setèmbre

Liò : Roucas
Estànci : Coulinen à Subremediterran
Couroulougi : Éuropenco-Sud
Ref. sc. : Asplenium foreziense Legrand, 1885

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.